صورة من الذاكرة: حلقات مسلسل (ابو الفساد)من اجل خدمة اللصوص

وبدات الحلقة الجديدة من مسلسل (ابو الفساد)وكانت
يوم عيد ميلادة ال80 او الحاجة و80ربنا يطول عمرك
ويارب ميكنش فية سنة جاية ويبقى نعى سيادتك او خلعك من السلطنية
ظهر بوجة النفاق مثل الاعلام المصرى لكى يلقى كلمة على الشعب الغلبان .فهو ممثل بارع جدا

احبة كثيرا فقد برع الفن والتمثيل فى هذة الزمن ولا هيفاء زعبلة

ياااااااااااااااااااااااااااااااااااااااااااااااااااااااااااة دنا بحبك حب
وفى اخر الحلقة تكلم احد الاعضاء وقال(العلاوة يا حرامى)

وقال بقرف (طيب طيب عارف وهتكلم عليها)قلبك كبير بجد مش بتنسى حد

وقال وكأنة سوف يدفع من اموال ابوة (اصل ديت الوسية بتاعت سيادة الحرامى)هى كانت 25%فالمية بس انا عشان بحبكم هتبقى 30%والضريبة يا غلبان يا تعبان يلى هطق هتدفعها اخر الحلقة
فى عيد ميلادك الناس ..اهلك ..وشعبك ..كل اللى بيحبوك المفروض يقدمولك ورود الدنيا كلها فى حالة انى مقدرتش هجيبلك حزمة جرجير (الجرجير كان حلو)ياريس كنت سباق بالخير محدش جابله ورد ولا ايه طول عمرك سباق بالخير صادق والله العلاوه ياريس كانت مفاجاه كانت عبور بالموظفين الغلابه من الدوامه اللى عايشينها ليل نهار ايه ده هما ال45 جنيه بتعمل كل ده.؟؟؟ عبور ودوامات وعبارات انت بتهرج اكيد
شكرا يا حرامى على المنة على الشعب الغلبان اللى هيفرقع
والله مش كلة هيفرقع لان فية ناس مبسوطة
فقد انقسم الشعب المصرى الى (من حيث الفكر)
منافقين
هتيفة اجرة
سذج(فئة كبيرة من الطبقة غير المتعلمة).لا يعلم كثيرا غير العمل وتربية الابناء ليس عيب عليك يا اخى الفاضل العيب على من يحكم
طبقة خرساء (خليك جنب الحيطة)لحسن نصيبة تقع على دماغك
طبقة متكلمة بحرية(نصفها داخل المعتقلات)بسبب تهم سياسية من اجل قول الحق
فمعظم من كشف الفساد من الصحفين هم الان داخل السجون والمعتقلات السياسية
الطبقة الحاكمة(ودولت بقى الحرمية المحترمين )طبعا بيموتو فحاجة اسمها الريس نصير الفساد واللصوص
طبعا الحرمية بيحبو بعض

ورايت فى نصف المسلسل
قال اية(عملو محافظتين )محافظة حلوان - محافظة6اكتوبر
هههههههههههههههههههههههههههههه
طب لية يا ريس
مهو فية فلوس اهوت
حيث التكلفة المبدئية لانشاء المبانى للمحافظتين (بتاعت الحرمية)3مليار جنية والله
ضحكت من كل قلبى
صحيح هم يبكى وهم يفطس من الضحك
هو انت فيك عقل ولا خلاص مبقتش تفرق معاك
مهو صحيح اللى شايف الحمير وميركبش يبقى غلطان
اسف للحمير لو زعلت
هو حضرتك مش من البلد ديت ولا اية يا ريس
هو انت نسيت كفر المعزة بتعتك ولا اية ولا نسيت الفقر اللى كنت عايش فية
ولا انت وابنك ديما بتقولو (الفقر ريحتة وحشة)
صحيح عندك حق
بس احب اوضح لسيادتك شوية تفهات مش فدماغك
الاكل اللى بتكلة دوت من فلوس الناس الغلابة
البدلة اللى اتغيرت من قطن المحلة الى بيت الازياء العالمية الفرنسية ثمنها
من فلوسنا احنا
يعنى الشعب اللى انت طايح فية هو اللى معيشك كدة
فانت اكيد بترد الجميل
شكرا ليك
انزل كدة وادخل مستشفى حكومى
هههههههههههههههههه
تنزل لا ابعت البواب وهو يحكى لحضرتك عشان البدلة الفرنسى مش تتوسخ
الدكتور اللى بيعالج المرضة بقى حانوتى .، مافيش اجهزة ولا ادوية ومافيش في ايدهم غير انهم يكتبوا شهادات وفاة
بلاش نتكلم على اسعار العلاج دوت حوار كبير
وبسبب قانون الطوارئ الجديد اي جربوع يقدر يوقفني ويوقف اي مواطن محترم وهو بيقول له: بطاقتك يا حيوان، شمر ووريني دراعاتك، انت بتبجح؟ طب قدامي ع القسم و ما انت خارج منه الا على النيابة شايل قضية مخدرات
وفلاحين بينطردوا من اراضيهم بعد ما عشمتوهم بالحلق ودلوقت بتقولوا الارض بترجع لصحابها
وعمال بيشتغلوا بالسخرة زي ايام محمد علي وياريتهم بيشتغلوا

والناس نفسها تشتغل ومش لاقية، الا شفت حكومات كتير وقليل يشتكوا ان الشعب مش عايز يشتغل
عمري ما شفت شعب عايز يشتغل والحكومة هي اللي مكسلة تشغله
وكثيرا وكثيرا (كلة فاسد)
وحضرتك ابو الفساد
وهذة اخر نشرة من اجل العلاوة يا حلاوة

بعد ساعة واحدة من اقرار الزيادة فى اسعار السولار والبنزين تلقى فتحى سرور رئيس مجلس الشعب اوامر عليا بضرورةالتراجع جزئيا عن القرارات التى اتخذها مجلس الشعب وعلى الفور عقد سرور اجتماعا موسعا مع أعضاء لجنةالخطةو الموازنة بالمجلس لبحث تخفيض نسبة الزيادة على أسعار الوقود بواقع عشرة قروش فى مقابل رفع قيمة تراخيص السيارات وزيادة أسعار السجائر المحلية والمستوردة كانت الحكومة قررت اليوم الاثنين رفع أسعار الوقود بنسب تتراوح ما بين 20 إلى 35 بالمائة على أن يتم تطبيقها خلال ساعات

وكانت الحكومة قد قدمت صباح اليوم مشروع قرار لمجلس الشعب حول رفع أسعار الوقود والسجائر ورسوم تراخيص السيارات ، وعرضه أحمد عز رئيس لجنة الخطة والموازنة والأمين العام المساعد للحزب الوطني على المجلس ويتضمن القرار رفع أسعار البنزين من فئة 90 و92 بما يوازي 45 قرشًا للتر ليتراوح سعر البيع ما بين 175 و185 قرشًا ، ورفع أسعار الفئة 95 إلى جنيهين بدلا من 175 قرشًا ، على أن يزيد سعر السولار 35 قرشًا ليصبح 110 قروش للتر وآثارت مناقشة الاقتراح غضب كثير من نواب الأغلبية والمعارضة ، فضلاً عن تسببه في حالة من الهلع بين المواطنين الذين فوجئوا بأن قرار رفع الأسعار قد أرسلته شركات البترول لمحطات الوقود ليتم تنفيذه قبل اعتماده رسميًا من مجلس الشعب
وكشفت التعديلات المطروحة على القانون رقم 147 لسنة 1984 عن قيام الحكومة بزيادة رسوم رخص تسيير السيارات الخاصة من 16 الى 116 جنيها للسيارات التي لاتزيد السعة اللترية لمحركها عن 1030سم3
وزيادة رسوم السيارات التي تزيد سعة محركها على 1030 سم ولاتتجاوز 1330سم من 23 الى 143جنيها، وكذلك زيادة الرسوم على السيارات التي لاتزيد السعة اللترية لمحركها عن 1330سم3 ولاتتجاوز 1630 سم من 25 الى 175جنيها، وزيادة الرسوم من 120 الى 1000جنيها للسيارات التي تزيد السعة اللترية لها عن 1630 سم ولاتتجاوز 2030 سم3 على ان يخفف هذا الرسم بواقع 5% سنويا

وزيادة الرسوم للسيارات التي تزيد السعة اللترية لها عن 2030 إلى 2% من ثمن السيارة بحد ادنى 1000جنيه. في حين تصل الرسوم الى 500 جنيه لسيارات النقل التي لاتزيد حمولتها 5 اطنان
وتضمن القرار أيضا زيادة ضريبة المبيعات على السجائر المحلية 30 قرش (كليوبترا وبوسطن) فضلا عن زيادة أسعار السجائر الفاخرة المستوردة بنحو 33%، وكذلك قررت الحكومة إلغاء الاعفاء الذي تتمتع به المنشأت التعليمية الخاصة، وعائدات الخزانة الضريبية علي الدخل، واكد التقرير أن هذه الخطوات تهدف الي تحسين مستوي دخول العاملين بالدولة بوجة عام، وتقريب مستويات اجور العاملين في الجهات الحكومية وتمكين الفئات الاولي بالرعاية من تأمين احتياجاتهم من السكر والزيت والارز بأسعار اجتماعية مدعومة
ورفع عدد من أعضاء مجلس الشعب في مداخلاتهم لافتة مكتوب عليها " الحكومة بلعت العلاوة الاجتماعية" وهنا غضب رئيس المجلس وطلب من النواب الجلوس في أماكنهم ومتابعة سير المناقشات ووسط قراءة النائب أحمد عز التقرير، هاج النواب مره أخري وقال سرور "مايصحش كده احترموا قرار المجلس .. ايه اللي بتعملوه ده" واستطرد قائلاً " لا يجوز أن تفرض الأقلية رأيها علي الأغلبية "، وفيما ظل نواب المعارضة في هياجهم واتهموا النائب احمد عز رئيس لجنة الخطة والموازنةعقد اجتماعات اللجنة في الخفاء ومفاجأة النواب بالتقرير .. رد عز " بغيظ " ، هذا الكلام مغلوط وغير صحيح لافتاً إلى أن اللجنة قامت بعقد ثلاث اجتماعات في حضور وزير المالية ونائب من اعضاء اللجنة بما وفر لها النصاب القانوني

يا حلاوة مسلسل هايل من المسخرة اة والله

حسبى الله ونعم الوكيل فكل حرامى بيسرق فالبلد وبيسرق حقوق الغلابة

مش هقول اكتر من كدة ومش هتكلم على وضع مصر فالسياسة تانى

انت فضحتنا برة وجوة يا بتاع السلام

المسلسل

كفوا جميعا عن صياح

فالمسلسل مستمر . .

برغم ضآلة الإنتاج . . و رغم رعونة التوزيع

و تفاهة النجم الوحيد

فلقد صحا هذا الفتى يوما . .

و معه بعض من كلاب . . و بعض من قرود

و رأي الفوضى تعم بوحدة الإنتاج